बाराको दुई मतदान केन्द्रमा मतपेटिका परिवर्तन

कलैया । बाराको दुई मतदान केन्द्रमा मतपेटिका परिवर्तन गरिएको छ । प्रत्यक्ष निर्वाचन प्रणाली तर्फकाे मतपत्र प्रतिनिधिसभाको मतपेटिकामा र प्रदेश सभाकाे मतपत्र प्रतिनिधि सभाकाे मतपेटिकामा झुक्किएर हालेपछि जिल्लाको दुई मतदान केन्द्रमा उक्त मतपेटिका सिल गरी अर्काे मतपेटिका राखिएकाे जिल्ला निर्वाचन कार्यालय बाराका निर्वाचन अधिकारी सरोज चौधरीले जानकारी दिएका छन् ।

त्यसरी मत हालिएपछि दलका प्रतिनिधिहरूबीच विवाद भएर करिब दुई घण्टा मतदान राेकिएकाे प्रत्यक्षदर्शीले जनाएका छन् । मतपेटिका सील गरी त्यस मतपत्रलाई गणना गर्ने सहमतिपछि उक्त दुवै मतदान केन्द्रमा मतदान सुरू भएकाे छ ।