दुर्गा पूजामा सहभागी हुँदै राजेश राय यादवद्वारा नगरवासीलाई विजयादशमीको शुभकामना

बारा, कार्तिक २
नेपाली काँग्रेस बारा जिल्ला सभापति तथा कलैया उपमहानगरपालिकाका पूर्व नगरप्रमुख राजेश राय यादवले कलैया उपमहानगरपालिका क्षेत्रभित्र आयोजना गरिएका विभिन्न दुर्गा पूजा समारोहमा सहभागी भई पूजापाठ गर्नुभएको छ ।
सो अवसरमा उहाँले नगरवासीसँग भेटघाट गर्दै विजयादशमीको शुभकामना आदानप्रदान गर्नुभएको छ ।
दुर्गा पूजा समारोहमा सहभागी हुँदै यादवले माता दुर्गाको आराधना गरी सम्पूर्ण नगरवासीको सुख, शान्ति, समृद्धि, सुस्वास्थ्य तथा उत्तरोत्तर प्रगतिको कामना गर्नुभएको हो । उहाँले धार्मिक तथा सांस्कृतिक पर्वहरुले समाजमा आपसी सद्भाव, एकता, भाइचारा र सामाजिक सहिष्णुता कायम गर्न महत्वपूर्ण भूमिका खेल्ने बताउनुभयो ।
यादवले भन्नुभयो, “विजयादशमी हाम्रो धार्मिक, सांस्कृतिक तथा सामाजिक एकताको प्रतीक हो। यस्ता पर्वहरुले समाजमा आपसी प्रेम, सद्भाव, भाइचारा र एकताको भावना अझ बलियो बनाउँछन् । यस पावन अवसरमा सम्पूर्ण नगरवासी, जिल्लावासी तथा देशवासीमा हार्दिक मंगलमय शुभकामना व्यक्त गर्दछु । माता दुर्गाले सबैको जीवनमा सुख, शान्ति, समृद्धि र उत्तरोत्तर प्रगति प्रदान गरुन भन्ने कामना गर्दछु ।”
उहाँले चाडपर्वले समाजमा सकारात्मक ऊर्जा, आपसी सहयोग र मेलमिलापको वातावरण सिर्जना गर्ने विश्वास व्यक्त गर्दै सबैलाई हर्षोल्लासका साथ पर्व मनाउन आग्रह गर्नुभयो ।
कलैया उपमहानगरपालिका क्षेत्रका विभिन्न दुर्गा पूजा समारोहमा सहभागी भई नगरवासीसँग शुभकामना आदानप्रदान गर्नुभएको यादवको यस सहभागिताले धार्मिक तथा सांस्कृतिक गतिविधिप्रति उहाँको चासो र नगरवासीसँगको सामीप्यलाई प्रतिबिम्बित गरेको छ।