कलैया । आज रातिदेखि बाराका सम्पूर्ण सिमानाका बन्द हुने भएको छ । आगामी मङ्सिर ४ गते हुने प्रतिनिधि तथा प्रदेशसभा सदस्यको निर्वाचनलाई मध्यनजर गर्दै भारतसँग जोडिएका सम्पूर्ण सिमानाका चार दिनसम्म बन्द हुने जिल्ला प्रशासन कार्यालय बाराले जनाएको छ ।
सिमानाकाहरु मङ्सिर १ गते बिहिबार राति १२ बजेदेखि मङ्सिर ४ गते राति १२ बजेसम्म बन्द रहने जिल्ला प्रशासन कार्यालय बाराका प्रमुख जिल्ला अधिकारी कृष्ण बहादुर कटुवाल द्वारा जारी गरिएको सूचनामा उल्लेख गरिएको छ ।
