चालु आर्थिक बर्ष २०७९/०८० का लागि २४ करोड ७२ लाख सशर्त अनुदानसहित ९५ करोडको विनियोजन बजेट बाराको निजगढ नगरपालिकाको नगरसभाले पारित गरेको छ ।
१०औं नगरसभाको अधिवेशनको अन्तरगत विहीवार सम्पन्न दोस्रो बैठकले बजेट बिनियोजन पारित गरेको हो ।
नगरपालिकाकी उपप्रमुख सोममाया थिङले सभामा बजेट प्रस्तुत गर्नुभएको उक्त बजेट बहुमतले पारित गरेको छ ।
नगरपालिकाले चालु आर्थिक बर्ष २०७९/०८० का लागि कृषी, सिचाई र खानेपानीलाई प्राथमिकता दिएको छ ।
नगरपालिकाले बजेटमा डिप बोरिङ, सिँचाई तथा खानेपानी निर्माणतर्फ १३ करोड ८ लाख र तटबन्द निर्माणमा ६० लाख रुपैया विनियोजन गरिएको छ ।
यसैगरी सडक, नाला र अन्य पूर्वाधार निर्माणको लागि ५ करोड ७२ लाख रुपैया विनियोजन भएको छ ।
सभाले विनियोजन विधेयक सर्वसम्मतिले पास गर्नुका साथै न्यायिक समिति समेत गठन गरेको छ ।
उपप्रमुख संयोजक रहने समितिको सदस्यमा वडा नम्बर ६ का वडाध्यक्ष घनश्याम तिमिल्सिना र कार्यपालिका सदस्य रेणुकुमारी दर्जीलाई चयन गरिएको नगरपालिकाले जनाएको छ ।
