गढीमाई संवाददाता/
पर्सा प्रहरीले ३२ केजी लागुऔषध चरेशसहित एक जनालाई पक्राउ गरेको छ ।
चरेशसहित प्रहरीले जिराभवानी गाउँपालिका–१ गम्हरिया स्थित सडकखण्डबाट एक जनालाई पक्राउ गरेको हो ।
पक्राउ पर्नेमा पर्साको ठोरी गाउँपालिका–४ विजयबस्ती बस्ने ३४ बर्षिय क्षेत्र बहादुर श्रेष्ठ रहेका छन ।
लागु औषध नियन्त्रण व्यूरो शाखा कार्यालय वीरगञ्ज तथा जिल्ला प्रहरी कार्यालय पर्साबाट खटिएको संयुक्त टोलीले चेकजाँचको क्रममा चरेशसहित उनलाई पक्राउ गरेको हो ।
सुवर्णपुरबाट वीरगञ्जतर्फ ना.६१ प ९७०० नम्बरको मोटरसाईकलमा आउदै गरेका श्रेष्ठको साथबाट ६४ प्याकेटमा रहेको ३२ केजी लागुऔषध चरेश बरामद गरिएको पर्साका प्रहरी प्रबक्ता डिएसपी कुमार बिक्रम थापाले जानकारी दिए ।
चरेशससहित श्रेष्ठलाई प्रहरी नियन्त्रणमा राखी थप अनुसन्धान भईरहेको जिल्ला प्रहरी कार्यालय पर्साले जानकारी दिएको छ ।