रञ्जन यादब
बारा ११ जेठ
जीतपुरसिमरा उपमहानगरपालिकाको वडा नं.०९ का नव निर्वाचित अध्यक्ष मोतिलाल राउत यादबले आज पदभार ग्रहण गर्नुभएको छ ।पदभार ग्रहण गरेसँगै अध्यक्ष यादबलेनेपाल राष्ट्रिय माध्यमिक बिद्यालयमा अध्ययनरत १ देखि १० कक्षा सम्मका छात्रछात्राहरुलाई शैक्षिक सामग्री बितरण गर्ने निणर्य गर्नुभएको छ ।
एक कार्यक्रमकाबिच वडा कार्यालयका वडा सचिव सँगिता चौधरी लगायतका कर्मचारीहरुले नव निर्वाचित अध्यक्ष सहित वडा सदस्यहरुलाई फुलमाला सहित कार्यालयमा स्वागत गरेको छन् । नव निर्वाचित वडा सदस्यहरुमा निपेन्द्र चौधरी ,महेश्वर चौधरी ,शोभा देबी सहनी र शोबा देबी रहनुभएको छ ।जीतपुरसिमरा उपमहानगरपालिकामा लोसपा नेपालले वडा नं.९ मात्र जितन सफल भएको छ ।
लोसपा नेपालका नगर संयोजक शिवजी साह सोनार ,मेयरका प्रत्यासी संजय कुमार साह ,वडा नं.८ का निबर्तमान वडा अध्यक्ष रामबाबु पटेल ,वडा नं.१० का वडा अध्यक्ष सरोज पटेल ,वडा नं.७ का वडा अध्यक्षका प्रत्यासी राजुराज गिरी लगायतले नव निर्वाचित प्रतिनिधिहरुको भाबी कार्यकालको शुभकामना ब्यक्त गर्नुभएको थियो ।