बिगत तीन देखि परेको अबिरल बर्षाका कारण बारामा किसानहरुले लगाएको धानबाली र तरकारी खेतीमा क्षति भएको कृषि ज्ञान केन्द्रले जनाएको छ ।
बेमौसमी बर्षाका कारण धानबालीमा २० प्रतिशत र तरकारी बालीमा ५० प्रतिशत क्षति भएको कृषि ज्ञान केन्द्रका प्रमुख जितेन्द्र यादवले साझेदारी दैनिकलाई जानकारी दिए ।
बर्षाका कारणका जीतपुर सिमरा उपमहानगरपालिका, कलैया उपमहानगरपालिका,महागढीमाई नगरपालिका, सिम्रौनगढ नगरपालिका, पचरौता नगरपालिका, कोल्हवी नगरपालिका, देवताल, परवानीपुर,प्रसौनी,सुवर्ण,फेटा र बिश्रामपुर गाँउपालिकामा क्षति भएको ज्ञान केन्द्रका प्रमुख यादवले जानकारी दिए ।
धानवाली मध्ये ४ हजार ४ सय ९४ हेक्टर क्षेत्रफलमा २० प्रतिशत र तरकारी खेती ३ सय ८९ हेक्टर क्षेत्रफल मध्येबाट ५० प्रतिशतको क्षति भएको हो । यस बर्ष कृषकहरु बर्षे धानखेती भदैया, अगहनी गरि कुल ४६ हजार ९ हेक्कटर क्षेत्रफलमा खेती गरिएको थियो ।
धानवाली सबै भन्दा बढी प्रसौनी गाँउपालिकामा ४० प्रतिशत र कम जीतपुरसिमरा उपमहानगरपालिकामा १० प्रतिशत क्षति भएको ज्ञान केन्द्रका प्रमुख्र यादवले भने ।
त्यसैगरि तरकारीमा सबै भन्दा बढी कलैया उपमहानगरपालिकामा ६० प्रतिशत र सबै भन्दा कम परवानीपुर गाँउपालिकामा ३५ प्रतिशत क्षति भएको ज्ञान केन्द्रका प्रमुख यादवले बताए ।
