नगर शिक्षा समितिले विद्यालयलाई घटुवा गरेको निर्णय नै त्रुटिपूर्ण रहेको मैनालीको दावी

गढिमाइ खबर
पढ्न लाग्न समय 3 मिनेट

डुमरवाना बहुमुखी कलेजका अध्यक्ष अनिल मैनालीले जीतपुर सिमरा उपमहानगरपालिकाको नगर शिक्षा समितिले गरेको निर्णय नै त्रुटिपूर्ण रहेको वताएका छन् ।

जेठ ७ गते सोमबार बसेको नगर शिक्षा समितिले नगर भरिका विद्यालयहरूलाई( मर्ज ) समायोजन र विद्यालय तह घटुवा गरेको प्रति उनले चिन्ता र आक्रोश पोखेका हुन् । उनी विगत ३८ वर्ष देखि शिक्षा क्षेत्रमा आबद्ध रहेका व्यक्ति हुन् ।

शैक्षिक सत्रको दोश्रो महिना बितेको अवस्थामा विद्यार्थीहरूको अधिकार माथी हनन् भएकाले यस्तो निर्णय तुरुन्त सच्याउदै विधार्थीको मौलक हकलाई सुरक्षित गनै उनले आग्रह गरे । नेपाली नागरिकको शिक्षा,स्वास्थ्यको प्रत्याभूति नेपालको संविधानले गरेको उनले सुनाए ।

नगर शिक्षा समितिले अनेक बहाना र राजनीतिक प्रतिशोधका कारण विद्यार्थीहरूको भविष्य माथी खेलवाड गरेको आरोप लगाउदै उनले यसलाई सच्चाउन आग्रह गरेका छन् ।

निवर्तमान वडा अध्यक्ष केदारनाथ बजगाईले साबिक डुमरवाना गाउँ विकास समिति वडा नं ७ हाल जीतपुर सिमरा उमनपा १६ स्वाभिमान बस्ति( कतर्वा) मा रहेको यस भेगकै पुरानो विधालयको ईतिहास नै नबुझी तह घटुवा गरेको जनाए । यसले सबैको मान मर्दन भएकाले यसलाई सच्याउन अनुरोध गरेकाछन् ।

श्री नेपाल राष्ट्रिय आधारभुत विधालय कतर्वामा दलित समुदाय र आदिवासी चौधरी समुदायका विधार्थीहरू अध्ययन गर्ने हुनाले निर्णय सच्चाउन उनले माग गरे ।सो विधालयमा कक्षा ८ मा १० जना विधार्थी अध्ययनरत छन ।यदि निर्णय नसच्चाए दलित र आदिबासीहरूको भविष्यमाथी नै खेलवाड हुने उनले बताए ।

नगर शिक्षा समितिले गरेको निर्णय पूर्वाग्राही र राजनैतिक रिसिवी साध्ने काम हो कि भन्ने तर्फ पनि सोच्न बाध्य भएको उनले बताए ।

प्रमुख अतिथि १६ नंम्वरका बडा अध्यक्ष हरिदेव खरेलले विधालयको शैक्षिक गुणस्तर नै माथी उस्कन नसकेकाले मेयर साबको निर्देशनमा घटुवाको निर्णय गरेको जानकारी दिएकाछन् । वडा अध्यक्षले जति बोले त्यतिनै समय मेयरले गर्दा यस्तो भएको उनले जनाए । शिक्षा गुणस्तरीय नभएको उनले दोहर्‍याए ।

छलफल कार्यक्रमको अध्यक्षता गरेका गंगाप्रसाद मैनालीको थियो । उनी विद्यालय ब्यवस्थापन समितिका अध्यक्ष हुन । उनी विधालय ब्यवस्थापन समितिको अध्यक्ष भएदेखि केही सुधारका कामहरू भएको जनाए । आफुले सोचे जस्तो नभएको दुखेसो पोखे । शुरू शुरूमा राम्रो लयमा जाँदै गरेको विधालयमा विधार्थीको संख्या पनि बढाउन सफल भएको उनले सुनाए ।

अवको २–३ वर्षमा विद्यालयनै समायोजन(मर्ज) हुन्छ अनि वोडिङ( संस्थागत) हरूमा विधार्थी लाने परिपञ्च रचिदै छ उनले आक्रोश पोखे ।सामुदायिक विद्यालय र संस्थागत विद्यालयलाई अनुमति दिने नीतिनै दोधारे रहेका कारण आजको परिस्थिति सृजना भएको उनले जनाए ।

संस्थागत विद्यालयलाई विधार्थीको संख्या जति भएपनि हुने तर सामुदायिक विद्यालयलाई निश्चित संख्याहुने प्रावधानका कारण संस्थागत विद्यालय मौलाउदै र सामुदायिक विद्यालय सुक्दै गएको उनले सुनाए ।

विद्यालयका शिक्षक उदयराज मैनालीले सो कार्यक्रमको सहजिकरण गरेका थिए । शिक्षिका शशि खरेलको स्वागत रहेको थियो ।

साझा गर्नुहोस्
Leave a comment

Leave a Reply

Your email address will not be published. Required fields are marked *