बारा प्रहरीले अवैध प्याजसहित पिकअप गाडी नियन्त्रणमा लिएको छ ।
ईलाका प्रहरी कार्यालय जितपुर बाराबाट खटिएको प्रहरी टोलीले जीतपुरसिमरा उपमहानगरपालिका वडा नं.७ जीतपुरबाट सो पिकअप गाडी प्रहरीले नियन्त्रणमा लिएको हो ।
वीरगञ्जबाट चितवन जादै गरेको प्र.२०३–००१च६२०३ न.को पिकअप गाडीलाई रोकी जाँच गर्दा विल विजक भन्दा बढि स्रोत खुलाउन नसकेको ६० बोरा प्याज प्रहरीले नियन्त्रणमा लिएको हो ।
अन्दाजी मूल्य एक लाख ८१ हजार रूपेयाँ बराबरको ६० बोरा करिब तीन हजार किलो प्याजसहित पिकअप गाडी प्रहरीले नियन्त्रणमा लिएको हो ।
पिकअप र प्याजलाई आवश्यक कानूनी प्रकृया पुरा गर्न काम अगाडी बढाईएको जिल्ला प्रहरी कार्यालय बाराले जनाएको छ ।
