बारा क्षेत्र नम्बर–२ को उपनिर्वाचनको मतगणना कलैया स्थित शैक्षिक तालिम केन्द्रमा सोमवारदेखी जारी छ ।
मत गणनाको प्रारम्भिक परिणाम अनुसार थोरै मतान्तरले जनता समाजवादी पार्टी(रास्वपा)का अध्यक्ष उपेन्द्र यादवले अग्रता कायम राखेका छन । अध्यक्ष यादवले शुरुवाती चरण भन्दा मतान्तर बढाईरहेका छन ।
सोमवार राति करिब ११ः४२ बजे समाचार तयार पार्दा सम्मको अपटेड अनुसार राजपाका अध्यक्ष यादवले ४७४३ मतका साथ अग्रता कायम गरेका छन भने ।
उनलाई जनमत पार्टीका उम्मेदवार शिवचन्द्र कुशवाहाले ३८४३ मतका साथ पछ्याईरहेका छन ।
यस्तै नेकपा एमालेका उम्मेदवार पुरुषोतम पौडेल १९६७ मत ल्याएर तेस्रो स्थानमा छन । भने राष्ट्रिय स्वतन्त्र पार्टीका रमेश खरेल ७५२ मत र आम जनता पार्टीका अरुण ज्ञवालीले ३११मत प्राप्त गरेको निर्वाचन अधिकृतको कार्यालयले जनाएको छ ।