नेपाली काँग्रेस बाराको बुधवार समपन्न निर्वाचनको सभापति पदका तीन उम्मेदवार मध्ये कसैले पनि ५१ प्रतिशत पुर्याउन नसकेपछि फेरि दोस्रो पटक शनिवार चुनाव हुन्दैछ ।
श्री ३ चन्द्र माविमा सभापतिका उम्मेदवार राजेश राय यादव र शम्भुबहादुर बुढाथोकी बीच दोस्रो पटक टक्कर हुने भएको हो ।
कुल २४ सय ८२ मतदाता रहेकोमा जम्मा २४ सय मत खसेको थियो ।
जसमध्ये कसैले पनि ५१ प्रतिशत मत पुर्याउन नसकेको प्रमुख निर्वाचन अधिकृत राजकुमार उप्रेतीले जानकारी दिए ।
शनिवारको चुनावमा देउवा पक्षीय उम्मेदवार शम्भु बहादुर बुढाथोकी र राजेश राय यादव बीच प्रतिस्पर्धा हुँदैछ ।
यसैबीच संस्थापन इतर पक्ष अर्थात शेखर कोइराला पक्षबाट सभापतिका उम्मेदवार भई तेस्रो स्थानहा सिल गरेका रामानन्द यादव सहितको समुहले औपचारिक रुपमा पहिलो स्थान ल्याएका राजेश यादवलाई समर्थन गरेका छन् ।
कलैयाको करणराज प्यालेसमा शुक्रवार राती सहमहामन्त्री उमाकान्त चौधरीको रोहबरमा रामानन्द यादवले राजेश राय यादवलाई समर्थन गरेका हुन् ।
उनले समर्थन गरेपछि ती समुहका कतिपय स्थानीय नेताहरु असन्तुष्टी व्यक्त गरेका छन् ।
पहिलो चुनावको नतिजा सभापतिका उम्मेदवार राजेश राय यादवले ८ सय ३३ मत सहित पहिलो स्थान, शम्भुबहादुर बुढाथोकी ८०९ मत सहित दोस्रो र रमानन्द यादव ७०८ मत सहित तेस्रो स्थान ल्याउन सफल भएका थिए ।
२८ मतभने बदर भएको थियो । ५१ प्रतिशत मत कसैले ल्याउन नसकेको हुदा तेस्रो स्थानमा रहेको रामानन्द यादव निर्वाचनबाट बाहिरिएका हुन भने दोस्रो चरणमा पहिलो भएको यादव र दोस्रो भएका बुढाथोकी बीच निर्वाचन हुँदैछ ।