चोरीको मोटरसाईकलसहित एक जनालाई पर्सा प्रहरीले पक्राउ गरेको छ ।
प्रहरीले चोरीको मोटरसाईकल सहित वीरगञ्ज महानगरपालिका वडा नम्बर १८ बस्ने वर्ष १८ को सोनालाल यादवलाई पक्राउ गरेको हो ।
प्रहरीले चोरी गरिएको ना १६ प ६८२५ नम्बरको हिरो होण्डा मोटरसाईकललाई नम्बर प्लेट हटाएर चलाईरहेको अवस्थामा यादवलाई वीरगञ्ज १५ लक्ष्मणवा चोकबाट पक्राउ गरेको हो ।
मोटरसाईकल सहित पक्राउ परेका यादव विरुद्ध चोरी कसुरमा कारवाही प्रक्रिया अघि बढाइएको पर्साका प्रहरी प्रबक्ता एवम प्रहरी नायब उपरिक्षक ओमप्रकाश खनालले जानकारी दिएका छन ।