बारामा १६ कट्ठामा लगाईएको गाँजा खेती फँडानी भएको छ ।
नेपाल सरकार द्वारा प्रतिबन्धित गाँजा खेती प्रहरीले कारवाहीको सिलशिलामा नष्ट गरेको हो ।
जिल्ला प्रहरी कार्यालय बारा अनुसार निजगढ नगरपालिका वडा नं.१२ मा लगाईएकोे गाँजा खेती ईलाका प्रहरी कार्यालय निजगढले नष्ट गरेको हो ।
प्रहरी टोलीले १६ कट्टा खेतमा अवैध रूपमा लगाईएको २० हजार गाँजाको बोट नष्ट गरेको बारा प्रहरी प्रबक्ता प्रहरी नायब उपरीक्षक दधिराम न्यौपानेले जानकारी दिए ।
गाँजा खेतीमा सलंग्न व्यक्तिहरूको पहिचान तथा खोजतलास गरी कानून बमोजिम कारवाही गरिने उनले बताए ।
