कलैया बजारमा अवस्थित रहेको एभरेष्ट लाँजको सभाहलमा चार दिने प्रारम्भिक तथा स्थानीय तहको निर्वाचन लक्षित वुट क्याम्प तालिमको समापन गरिएको छ ।
माण्डवीको सहजीकरणमा र आईएफईएसको प्राविधिक सहयोगमा सो तालिमको आयोजना गरिएको आयोजकले जानकारी गराएको छ । सो तालिम फागुन २३ देखि २६ गतसम्म ४ दिन सञ्चालन भएको थियो ।
सो तालिम परवानीपुर गाउँपालिकाका अध्यक्ष हरिनारायण प्रसाद साहको प्रमुख आतिथ्यतामा तथा माण्डवीका कार्यक्रम अधिकृत राजु कुमार साहको अध्यक्षतामा बिहिवार समापन गरिएको थियो ।
सो तालिम आउने निर्वाचनमा महिला वडा सदस्यहरूको सहभागिता बढाउने तथा तिनिहरूको नेतृत्व क्षमता विकास गर्ने मुख्य लक्ष्यको साथ सो तालिमको आयोजना गरिएको बताइएको थियो ।
सो तालिमको प्रशिक्षकमा निभा सिंह र नेक महम्द हुसेन रहेका थिए । भने कार्यक्रममा स्वागत मन्तव्य माण्डवीका सामाजिक परिचालक अनिल साहको रहेको थियो भने सञ्चालन माण्डवीकी प्रशासक सहायक (एडमिन) सुप्रीया चौधरीको रहेको थियो ।
