महिला कर्मचारीमाथि पर्साको पोखरिया नगरपालिकामा बलात्कारको प्रयास

गढीमाईखवर डट कम
गढीमाईखवर डट कम पाठक संख्या : 85
पढ्न लाग्ने समय : 1 मि.

महिला कर्मचारीमाथि पर्साको पोखरिया नगरपालिकामा बलात्कारको प्रयास भएको छ ।

ती महिला कर्मचारीलाई नगरपालिकाको कार्यालयमा नै बोलाएर पुरुष कर्मचारीले शुक्रबार राति बलात्कारको प्रयास गरेका हुन् ।

सरसफाई शाखामा कार्यरत रहेकी महिलालाई कार्यालयमा बोलाएर नगरपालिकामा कार्यरत रहेका सरसफाई नाईके रामबली हजराले बालात्कार प्रयास गरेको जनाइएको छ ।

राति नौ बजे हजराले पीडित महिला कर्मचारीलाई सरसफाई गर्नुछ भन्दै नगरपालिका कार्यालयमा बोलाएका थिए ।

सोही क्रममा ती महिलामाथि हजराले बालात्कारको प्रयास गरेको पीडित महिलाका आफन्तजनको भनाई रहेको छ ।

पीडित महिला कर्मचारीले शनिबार ईलाका प्रहरी कार्यालय पोखरियामा जाहेरी दर्ता गराएकी छन् ।

ईलाका प्रहरी कार्यालय पोखरियाका प्रहरी निरीक्षक मोहन बिक्रम केसीका अनुसार पीडित महिलालाई स्वास्थ्य जाँचको लागि नारायणी अस्पतालमा पठाइएको छ ।

यो लेख साझा गर्नुहोस्
हमीलाई पछ्याउनुहोस
gadhimaikhabar.com मिडिया प्रा.लि.द्धारा संचालित समाचार वेबसाईट हो ।