राम मण्डल/
प्रहरीले पर्साको वीरगञ्जबाट लागुऔषध सहित एक जनालाई पक्राउ गरेको छ ।
प्रहरीले लागुऔषधसहित मकवानपुर हेटौडा उपमहानगरपालिका–४ बस्ने ३५ बर्षिय अजित तामाङलाई पक्राउ गरेको हो ।
उनलाई वीरगञ्ज महानगरपालिका वडा नम्बर १६ शंकराचार्य गेटमा चेकजाँच गर्नेक्रममा रक्सौलबाट वीरगञ्जतर्फ आउँदै गरेको प्र.२–०२–००४ प ७४९५ नंम्बरको स्कुटीमा आएका उनको साथबाट प्रहरीले लागुऔषध ओनेरेक्स ६९ बोतल बरामद गरेको छ ।
पक्राउ परेका तामाङलाई प्रहरी नियन्त्रणमा राखी थप अनुसनधान भईरहेको पर्साका प्रहरी प्रबक्ता कुमार बिक्रम थापाले जानकारी दिएका छन ।
फोटोः लागुऔषध सहित पक्राउ परेका तामाङ
