रञ्जन यादब
बारा ३० जेठ
जीतपुरसिमरा उपमहानगरपालिकाको वडा नं.१५ स्थित जनकल्याण आधारभुत बिद्यालयले बिदाको दिन आईतबार पनि पढाउँने गरेको छ ।
अरु सामुदायिक बिद्यालयका प्रध्यानपक तथा शिक्षकहरु सरकारले आईतबार पनि बिदा थपिदिँदा रमाईरहेको बेला जनकल्याण आधारभुत बिद्यालयका प्र.अ. तथा शिक्षकहरु पढाईरहेको भेटिन्छन् ।बिद्यालयका प्रधानध्यापक मुना अधिकारीले आईतबार पनि बिदा दिँदा बिद्यार्थीहरुको पढाई कमजोर हुने र समयमै किताबका कोर्षहरु समयमै नसक्ने डरले बिदा नदिएको बताउँनुभयो ।
उहाँले सबै शिक्षकहरुको सहकार्यमा सरकारले आईतबार बिदा दिँदा पनि आफुहरु आईतबार पढाउँन सफल भएको बताउँनुभयो । बिदाको दिन आईतबार पनि पढाई भएको देखेर केही संस्थागत बिद्यालयमा पढ्ने बिद्यार्थीहरु पनि आफनो बिद्यालयमा पढ्न आएको सुनाउँनुभयो ।