महिला माथी एसिड प्रहार गर्ने दुई जनालाई बारा प्रहरीले पक्राउ गरेको छ ।
पक्राँउ पर्नेमा जिल्ला पर्सा बिरगंज महानगरपालिका १३ श्रीपुर बस्ने अन्दाजी बर्ष ३२ को रामबाबु साह र ऐ.ऐ.बस्ने अन्दाजी बर्ष ५० को हवारी साहलाई वीरगंजबाट नियन्त्रणमा लिई थप अनुसन्धान भई रहेको बारा प्रहरीका प्रवतmा राजेश थापाले जानकारी दिए ।
शुक्रवार राती ८ बजेको समयमा जिल्ला पर्सा बिरगंज महानगरपालिका वडा नं. १३ श्रीपुर टोल बस्ने उमेश साहको श्रीमती बर्ष २८ की सिता पटेल आफ्नो माईतीघर जिल्ला बारा कलैया उपमहानगरपालिका २३ कोरिया टोल आउने क्रममा मोटरसाइकलमा आएका २ जनाले एसिड प्रहार गरेको पिडित महिलाले बताएको प्रहरीका प्रवतmा थापाले जानकारी दिए ।
निज महिला माथी एसिड प्रहार भएको भन्ने सूचना प्राप्त हुनसाथ तत्काल प्रहरी टोली खटी गई घाइते सिता पटेललाई उपचारको लागि प्रादेशिक अस्पताल कलैयामा पठाईएकोमा सो अस्पतालबाट थप उपचारको लागि नारायणी उपक्षेत्रिय अस्पताल वीरगंजमा लगी उपचार भईरहेको, पीडितले भने अनुसार उक्त घटनामा संलग्न भनिएका पीडितको जेठाजु र ससुरालाई वीरगंजबाट नियन्त्रणमा लिई थप अनुसन्धान भई रहेको प्रहरीका प्रवतmा थापाले जानकारी दिए ।