सर्पले टोकेर बाराको निजगढमा एक युवकको मृत्यु भएको छ ।
मृत्यु हुनेमा हेटौंडा उपमहनगरपालिका वडा नं.१५ भोर्ले बस्ने २० वर्षीय सरोज बम्जनको रहेका छन ।
उनी निजगढ नगरपालिका- १३ डम्मरपुर स्थित मामा घरमा बस्दै आएका थिए ।
बुधबार बिहान ३ बजे सर्पले उनको कानमा टोकेको थियो ।
सर्पको टोकाइबाट घाइते भएका उनलाई प्राथमिक स्वास्थ्य केन्द्र निजगढमा लैजाँदै गर्दा बाटोमा मृत्यु भएको जिल्ला प्रहरी कार्यालय बाराका प्रवक्ता गौतम मिश्रले जानकारी दिएका छन।
