रञ्जन यादब/
चाडपर्बलाई लक्षित गर्दै बारा प्रहरीले घरेलु अबैध मदिरा नष्ट गर्ने अभियानलाई तिब्र पारेको छ ।
प्रत्येक दिन प्रहरीले कुनै न कुनै स्थानीय तहमा भट्टी भत्काई मदिरा नष्ट गरेको भेटिएको छ ।
प्रहरीले शुक्रबार ४० हजार लिटर मदिरा बारागढी गाउँपालिकाको दुई वटा वडाबाट बरामद गरेको छ ।
वडा न. ०३ खोपवाको दुई ठाउँबाट र . वडा न. २ दउरवाको ३ ठाउँबाट मदिरा बरामद गरेको बारा प्रहरी प्रबक्ता प्रहरी नायब उपरिक्षक दधिराम न्यौपानेले जानकारी दिए ।
साथै प्रहरीले भट्टी भत्काई .मदिरा राख्ने सानो ड्रम ११ वटा, ठुलो ड्रम २३ वटा र मदिरा तयार पार्ने मेशिन २ वटा नियन्त्रणमा लिएको उनले बताए ।
अभियानको क्रममा बिहिबार जिल्लाको करैयामाई गाउँपालिका र महागढीमाई नगरपालिका क्षेत्रबाट ५६ हजार ५ सय लिटर अबैध घरेलु मदिरा बरामद गरि नष्ट गरेको थियो ।
त्यस्तै बुधबार प्रहरीले पचरौता नगरपालिका र आदर्श कोतवाल गाउँपालिका क्षेत्रबाट ४५ हजार लिटर मदिरा नष्ट गरेको जिल्ला प्रहरी कार्यालय बाराले जनाएको छ ।
