बारा । बाराका किसानहरुले समय नै नपुगी उखु सुक्न थालेपछि ऊनीहरु आन्दोलनमा उत्रिएका छन् । उनीहरुले आज मानवत मटिअर्वा सडकखण्ड एक घण्टा अवरुद्ध गरेका हुन् ।
श्रीपुरघाट चोकमा सडकमै सुकेको उखु जलाएर उनीहरुले प्रदर्शन गरेका थिए । रिलायन्स सुगर मिल र उखु उत्पादक संघले मिलेर गुणस्तरहीन बिउ दिएका कारण आफूहरु समस्यामा परेको उनीहरुले आरोप लगाएका छन् ।
सडक अवरुद्ध भए पछी केहि बेर सवारी आवगमन ठप्प भएको थियो । बीऊ राम्रो नपरेकोले उखु सुकेको भन्दै किसानले क्षतिपूर्तिको माग राखेर केहिबेर सडक अवरुद्ध गरेको बारा का प्रहरी प्रमुख प्रहरी उपरीक्षक होबिन्द्र बोगटीले जानकारी दिएका छन् । किसानलाई सम्झाई बुझाई गरेर बाटो खुलाएको बताउँदै उनले समस्या समाधानका लागि भोलि प्रमुख जिल्ला अधिकारीको उपस्थितिमा सरोकारवालाको बैठक राखिएको समेत बोगटीले बताए ।
