रञ्जन यादव/
बाराको जीतपुरसिमरा उपमहानगरपालिका वडा नम्बर १८ बडहर्वा स्थित साना किसान कृषि सहकारी संस्थामा तालाबन्दी गरिएको छ ।
गत असार १९ गते राती १२ लाख ७३ हजार नौ सय १५ रुपैयाँ चोरी भएको भनिएको घटनाले उग्र रुप लिएपछि साना किसान कृषि सहकारी संस्थाको मूख्य कार्यालय घेराउँ गरी स्थानीयबासी र शेयर सदस्यले तालाबन्दी गरेका हुन् ।
प्रहरीले कर्मचारी र सञ्चालको मिलामतोमा घटना ढाकछोपको प्रयास गरेको आरोप लगाएका छन् ।घटनाका विषयमा प्रहरीले अनुसन्धान गरिरहेकोे चोरीको उक्त घटना र सिसिटीभी फुटेजलाई नाट्कीयको संज्ञा दिएका छन् । उनीहरुले घटना शंकास्पद रहेको भन्दै कर्मचारी र सञ्चालक माथी नै छानबीन हुनुपर्ने माग राखेका छन् ।
संस्थाका अध्यक्ष र कर्मचारीले नै घटनालाई ढाकछोप गर्न लागेको आरोप लगाउँदै स्थानीयबासी र संस्थाका शेयर सदस्यहरु आक्रोशित बनेका हुन् । सहकारी संस्थाका मुख्य प्रबन्धक पुष्पराज खतिवडाले गैह्र सहकारीका सदस्यहरुले नियम बिपरित संस्थामा तालाबन्दी गरेको आरोप लगाउँनुभयो ।
