सिकेन्द्र पासवान/
संघिय संसदको महिला तथा समाजिक समितिको ससदीय टोली बारामा आईपुगेको छ ।
टोलीले मंगलवार जिल्ला प्रशासन कार्यालयमा सरोकारवालाहरुसंग छलफल तथा अन्तरक्रिया कार्यक्रम सम्पन्न गरेका छ । प्रदेश, संघ र स्थानिय तहको अन्तर सम्बन्धका लागि छलफल तथा अन्तरक्रिया भएको टोलीका प्रमुख साँसद लक्ष्मी परियारले जानकारी दिईन ।
मधेस प्रदेशमा महिला, बालवालिका, जेष्ठ नागकिरहरुको मानव अधिकार, हिंसा, लैगिक यौनिक तथा अल्पसख्यहरुको अवस्थाको वारेमा जानकारी लिने र नितीगत सुधार कसरी हुन सक्छ भने बिषयमा छलफल भएको संसदीय टोलीको प्रमुख परियारले बताईन ।
छलफलमा अवसरमा प्रमुख जिल्ला अधिकारी कृष्ण बहादुर कटुवाल सहित सुरक्षा निकायका प्रमुखहरु, नागरिक समाजका अगुवाहरु, महिला अधिकारकर्मी मानवअधिकारकर्मीहरुको सहभागिता रहेको थियो । सहभागीहरुले जिल्लाको अवस्थाको बारेमा टोलीलाई जानकारी गराएको प्रमुख जिल्ला अधिकारी कटुवालले बताएका छन।
महिला तथा समाजिक समितिको टोलीमा साँसद लक्ष्मी परियार, कृष्णकुमार राई, महेन्द्र लिम्बु, नारायण प्रसाद खतिवडा र दुर्गा बहादुर रावत रहेका थिए । टोलीले मधेशप्रदेशका सभामुख, अर्थराज्यमन्त्री लगायत साँसदहरुसंग पनि छुटाछुटै भेटघाट गरि प्रदेशको अवस्थाको बारेमा जानकारी लिएको थियो ।
