वीरगञ्ज महानगरका मेयर सरावगी जसपा छाड्दै एमालेमा

गढीमाईखवर डट कम
गढीमाईखवर डट कम पाठक संख्या : 308
पढ्न लाग्ने समय : 1 मि.

राम मण्डल/
मधेस प्रदेशको एक मात्र महानगर वीरगञ्जका मेयर बिजय सरावगी शनिबार जसपा त्याग गरी नेकपा एमालेमा प्रबेश गरेका छन ।

वीरगञ्ज महानगरपालिकाको प्रसौनीमा आयोजित कार्यक्रममा उनलाई नेकपा एमालेका अध्यक्ष केपीशर्मा ओलीले टीका लगाएर प्रवेश गराए ।

सरावगीसँगै वीरगञ्ज महानगरपालिकाका वडा नम्बर ९ का वडाध्यक्ष मनोज कलवार, १४ का वडाध्यक्ष भरत कुर्मी पनि एमालेमा प्रबेश गरेका हुन् ।

एमालेमा प्रबेश गर्दा ठुलो खुशी लागेको बताउदै वीरगञ्जसँगै पर्सा जिल्लामै आफनो पार्टी प्रबेशले राम्रो सन्देश जाने मेयर सारवगीले बताए ।

एमालेमा प्रबेश गर्दा आफुलाई एकदमै राम्रो लागेको उनले बताए । ओलीको देश प्रतिभएको भावनाबाट प्रेरित भएर एउटा ठुलो ईतिहास बोकेको पार्टीसँग जुडेको सरावगीको भनाई थियो ।

२०७४ सालको स्थानीयतहको चुनावमा मेयर सरावगीसागै वडाध्यक्षहरु कलवार र कुर्मी पनि तत्कालिन संघीय समाजबादी फोरम हालको जनता समाजबादी पार्टीबाट निर्बाचित भएका थिए ।

स्थानीयतहको चुनावमा सरावगी १९ हजार ३ सय ९३ मतल्याई बिजयी भएका थिए ।

पछिल्लो समय उनी नेपाली काँग्रेसमा पनि प्रबेश गर्ने हल्ला चलेपनि उनी एमालेमा प्रबेश गरेकाहुन ।

मेयर सरावगीलाई उनकै पार्टीबाट निरन्तर असहयोग हुदै पछिललो समय आफनै पार्टीका कार्यकर्ताहरुबाट बिरोधको सामना समेत गर्नु परेको थियो ।

 

यो लेख साझा गर्नुहोस्
हमीलाई पछ्याउनुहोस
gadhimaikhabar.com मिडिया प्रा.लि.द्धारा संचालित समाचार वेबसाईट हो ।