रौतहटको देवाही गोनाही नगरपालिकाका नगर प्रमुख धर्मेन्द्र प्रसाद पटेल सहित ४ जनालाई अख्तियार दुरुपयोग आयोगले आइतवार पालिकाको कार्यालयबाटै नगद घुस र घुस वापतको चेक सहित पक्राउ गरेको छ ।
उपभोक्ता समितिबाट भवननिर्माण सम्पन्न पश्चात अन्तिम बिल भुक्तानी दिने क्रममा बिभिन्न बहाना बनाई सेवाग्राहीसँग ५ लाखघुस-रिसवत माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोग, टंगालबाट खटिई गएको टोलीद्वारा नगर प्रमुख पटेल सहितउनका सहयोगी अशोक प्रसाद पटेल, योजना शाखाका प्रमुख मुकेश पटेल र सह–लेखापाल प्रदिपकुमार यादवलाई पक्राउ गरिएको अऋितयारका प्रवक्ता श्याम भण्डारीद्वारा जारी विज्ञप्तीमा जनाएको छ ।
दुई लाख पचास हजार नगद र त्यतिकैको अर्को चेक सहित उनीहरु पक्राउ परेकाहुन् । उनीहरुबारे थप अनुसन्धान भइरहेको अख्तियारले जनाएको छ ।
