कलैया । कलैया बाट वीरगञ्ज जादै गरेको कार बाट नक्कली मतपत्र भेटिएको छ ।
कलैयाबाट वीरगञ्ज तर्फ जादै गरेको बा. प्रदेश १– १०२५ च ६६३६ नम्बरको कारलाई शंका लागेर चेकजाँच गर्दा नगदसहित नक्कली मतपत्र फेला परेको जिल्ला प्रहरी कार्यालय पर्साका प्रमुख प्रहरी उपरीक्षक रमेश बस्नेतले जानकारी दिएका छन् । प्रहरी ले उक्त कार लाई शंका लागेर वीरगञ्ज स्थित बसपार्क मा चेक जाँच गरेको थियो ।
उक्त कार बाट दुई लाख ७२ हजार नगद र साइकल छापको करिब १० हजार प्रति नक्कली मतपत्र र स्वस्तिक छाप भेटिएको छ । पक्राउ पर्नेमा कलैया उपमहानगरपालिका वडा नम्बर १८ का कार चालक अमिरी राउत र कारमा सवार वीरगञ्ज महानगरपालिका वडा नम्बर १६ इनर्वाका राजन सिंह रहेका छन् । नक्कली मतपत्र र नगद सहित उनीहरुलाई आवश्यक कारबाहीका लागि मुख्य निर्वाचन अधिकृतको कार्यालय पर्सामा बुझाइएको छ ।
